Op zundag 19 juni 2022 is ons koorlid Jacob ten Boer overleden.
Jacob ten Boer was ain van oprichters van visserskoor Zielrietzangers ien 1995.
Hai wer op 11 november van dat joar siktoares, n functie dij hai vattien joar veur zien reken nam.
Boetendes was hai ain van laidjesvertoalers/schrievers. Zielrietzangers zingen allinneg ien t grunnings. Zo vertoalde Jacob laidjes oet spoans, engels en duuts. Sikkom dareg laidjes brocht hai ien w.o. Mien mooi Hoogelaand, Vroag aan de zee en Wolken wiend en wodder. Ook zong hai vaaier solo’s.
Veurdat Jacob van ‘Drees trekken ging’ was hai schoulmeester aan legere schoul/grondschoul ien Oskerd. Hai ston midden ient dörpsleven en was van n hail bult verains bestuurslid. Veur aal dat waark wer hai keuneklek onnerschaaiden en wer Lid ien Orde van Oranje-Nassau.
Zielrietzangers goan Jacob missen.